THAWNGPANG

EX-PRIME MINISTER U THEIN SEIN CU KAWLRAM PRESIDENT AH THIM A SI
Tuni tuahmi kawlram hluatdaw conference in Kyintkhanyi lutlai, ralkap a cozah Ex-PM U Thein Sein cu kawlram President caah an thim cang.

Hluatdaw chungah Kyintkhanyi party in hluatdaw delegate a simi Ex-General Thiha Thura U Tin Aung Myint Oo cu Vice President (1), Kyintphut party chungtel a simi Shan Miphun Dr. Sai Maw Khan cu Vice President (2) caah thim an si hna.

President an thim hna ah U Thein Sein nih Mee 408, U Tin Aung Myint Oo nih 171 le Dr. Sai Maw Khan nih Mee 75 in an thim hna i a cozah thar cu February 8, 2011 ah an `uan thawk cang lai. A kum-65 a si cangmi U Thein Sein cu 2010, April thla ah ralkap General reng in aa din i mipi thil i hruk ve in Kyintphut party a rak dirh i pyituh-hluatdaw delegate in thimnak a rak lut.

1968, DSA-9 in sianginn a dih i 1997 ah Shan ram (ႀတိဂံေဒသတိုင္း စစ္ဌာနခ်ဳပ္i Commander a rak `uan. Intelligence (ေထာကလွန္းေရး) reng Lian, PM, General Khin Nyunt cu 2004 ah a reng in an dinh ter hnu ah Nah-Ah-Phah a cozah Secretary (1) reng cu U
Thein Sein nih a rak hmuh.
2007, PM, General Soe Win a thih hnu ah U Thein Sein cu kawlram ralkap a cozah Prime Minister a si i Sout East Asia ram, International conference kip ah kawlram a cozah aiawh in a rak kai.

“U Thein Sein, President ah an thim cu Party Chairman a si, PM zong a si, International experience a ngei i ca zong a rel takmi a si” tiin Kyintphut delegate
U Khin Shwe nih a chim.
A ra lai mi Cawn nithum ni ah a cozah thar an dirh hnu cun Nah-Ah-Phah “ Democracy ramthar” စည္းကမ္းျပည့္၀ေသာ ဒီမိုကေရစီႏိုင္ငံသစ္”  timi Road Map-7 cu a
dih cang lai. Nah-Ah-Phah a cozah zong a um ti lai lo.
ch: Irrawaddy 04/2/10

Chinram, Hakha Khualipi Ah Pyinay A Khun U Si Hmu Nih Nanmah Chin Minung Hna Thah Cu Ar, Vok Thahtluk Hmanh In Kan Rel Hna Lo Tiin A Kuttang Pa A Vuak I A Nunnak Thin Phan A Si Ko
January 13, 2011, zanlei 3:00pm hrawngah Chinram, Hakha khualipi Pyinay A Khun U Si Hmu (ျပည္နယ္အခြန္ဦးစီးမွဴး) U Tin Aung Ngwe nih a kuttang a simi Peng Nawl cu Chin minung hna thah cu Ar, Vok thah tlukhmanh in ka ruat lo tiin faktuk in a vuak caah Emergency in Sii zung ah an tlik pi. Naypyidaw in a lutmi Ca ruangah a tu bantuk in a vuak i Peng Nawl cu a tu tiang bia a chim kho rih lo tiah mithmuh kuttongh in a hmu tu minlang lo nih a chim. “ Ca chungah (Open bracket, Close bracket ) aa tel timi a chim ruangah ‘Nangmah hna nih Saya bantuk in rak ka chim hlah’ nanmah Chin minung thah hna cu Ar, Vok thah tluk hmanh in kan rel hna lo a ti i, a hmai ah vuihnih a bengh, a `angah vuithum a lamh an ti. Hi U Win Aung Ngwe hi ralkap officer reng in a rak i thleng mi a kumkhua zong a no rih, a zung rian`uan tu hna hi tu bantuk in Miphun thleidannak bia chim in mi nehsawh a hmang mi a si an ti. “ Peng Nawl cu thin phan a um ko an ti, X-ray an thlak, Result a lang rih lo an ti. Kalaymyo, a cozah siizungpi ah kuat a hau men lai”, tiah Sii Sayamah nu nih a ti. “ Peng Nawl lei chungkhar hna nih Ahmuh (အမႈ) awn an tim ko nain U Tin Aung Ngwe cu, Cu kong he pethlaih in a zei pawi lo dawh a si tiin a pawngkam minung nih an chim. Ch: 17/1/2011 Khonumthung

SG. Than Shwe tupa Nay Shwe Thway Aung cu Asst. Chief-of-Staff
(ဒု-ကာကြယ္ေရးဦးစီးခ်ဴပ္) reng a si lai
Kawlram ralkap lutlai SG Than Shwe tupa Kum -21 lawng a si rihmi Nay Shwe Thway nih Asst. SG Maung Aye reng a si mi Asst. Chief-of-Staff reng pek a si lai tiah Naypyidaw ralbawi hna sin in thawngtheih a si tiah ralbawi fapa nih Myanmar Wikileaks sin ah thawng a thanh. A kum khua in a upa cangmi Maung Aye reng cu a luancia mi caan tlawmpal ah a rian a chiah i cu a lawnnak reng ahcun Tulukram, ralkap University pakhat ah siangca cawnnak nawl a rak hmu tu, SG Than Shwe tupa Nay Shwe Thway nih `uanvo a lak lai ti a ti. Nay Shwe Thway Aung cu ralkap luhlo/tlaklo ngahlo timi Upadi ning ah Mino hna i zohchunh dingin `uanvo laknak ah Asst. Chief-of-Staff reng cu a hmu i a rauhhlan ah Senior General reng zong pek a si lai tiah Wikileaks ah ca an kuat, amah Nay Shwe Thway hrim nih January 14, 2011 ah Yangon khuachung ah a chim an ti. Ch: 18/1/2011 myanmar wikileaks


No comments:

Post a Comment