JESUH MIN IN MAW TIPIL KA IN KUN LAI ?
Massage : Mang Vung Lian
Massage : Mang Vung Lian
Lamkaltu 8 : 16 Zeicahtiah Thiang Thlarau cu annih lakah khan aho cung hmanh ah a tlung rih lo; Bawipa Jesuh min in tipil lawng an rak ing rih.
Lamkaltu 10 : 48 Cucaah Jesuh Khrih min in tipil in awk kha a fial hna. Cun kan sinah tlawmpal in cam ko rih, tiah an nawl.
Lamkaltu 19 : 5 Cucu an theih tikah annih cu Bawipa Jesuh min in tipilnak kha an ing.
Lamkaltu 22 : 16 Cucaah zeicahdah sau deuh ngan a herh? Tho law tipilnak ing ko, amah min na auhnak thawngin na sualnak vialte kha i thianh ko,’ tiah a ka ti.
Mathai 28 : 18-19 Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang. 19Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,…
Oneness Penticostal Theology nih cun “ Jesuh Min in tipil kan in awk a si “. Pa, Fa , Thiangthlarau Min in kan in awk a si lo, ti a si. Thumkomh Pathian an pom lo. Cun Laimi lak ah Thumkomh ( Trinity ) a pom fon ko na in “ Jesuh Min in tipil In Chan a si cang“. Cucaah Jesuh Min in tipil kan in awk hrim a si a ti mi zong kan um lio te
A cunglei i Baibal caang hna ah hin Jesuh Min in tipil ing uh a ti bak ko caah Jesuh Min in kan in awk a si ko. Lamkaltu hna nih Jesuh Min in phung an chim, Jesuh Min in Mizaw an dam ter, Jesuh Min in Khuachia an `hawl, Jesuh Min in khuaruah har thil an tuah hna. Thil lianngan bik an tuah mi cu, Jesuh Min in tipil nak in awk ah an fial hna. An nun cu Jesuh Khrih ah khan a si caah Jesuh Min in an nung.
Jesuh Khrih nih vancung le vawlei cung i nawlngeihnak vialte cu pek dih ka si cang ( Mathai 28 : 18 ) a ti bantuk in Jesuh nawlngeihnak le a `hawnnak kha an rian`uannak ah an hman. Bianabia ah, Jesuh Min in Khuachia an `hawl tik ah “ Jesuh “ timi min ruangah si lo in “ Jesuh a nawlngeihnak le a `hawnnak “ ruangah khuachia an `hawl khawh. Cuve bantuk cun Piter le Johan nih mizengpa an damter lio ah khan ‘ Jesuh Min in an ti tik ah’ “ Kan bawipa Jesuh i a nawlngeihnak le a `hawnnak thawng in “ an ti nak a si.
Tahchunhnak ah Hakha zalampawng ah khin, Nan dum kan hrawh lai tiah mipakhat nih a ti. Zeicaah nan ka hrawhpiak lai ? Ka dum cu keimah nawl lo in nan hrawk kho lo ka ti tik ah, Myodaw Sipin bawi a min le a ca kha an ka hmuhsak tikah a therh in ka ther. A min kha ka `ih mi si lo in a nawl ngeihnak kha ka `ih mi a si. Cuve bantuk in Jesuh Min in thil an tuah mi cu, Jesuh Nawlngeihnak in an tuah mi a si. Hiti a si ruangah pei Jesuh Min in tipil nakin ding ah Lamkaltu hna nih an forh hna a si cu! An Bawipa Jesuh nawlngeihnak ah an nung. A cawnpiak ning tein thih tiang an zulh. A cawnpiak mi hna pakhat cu.: Thawng`ha phuang uh. A zum mi paoh kha Pa, Fa , Thiangthlarau min in tipilnak pe uh ti a si.
Biatlangkilhnak ah, Jesuh Min in timi cu “Jesuh Nawlngeihnak le `hawnnak in “ ti a sullam a si.
Pa, Fa, Thiangthlarau min in ti cu tipil indan, (formula) Jesuh nih a cawnpiak mi a si.
Cu a si caah, Jesuh Khrih thawng in Pa le Fa le Thiangthlarau min in tipilnak ing cio hna uh sih.
“Zohchunh Awktlak Mino” I timo. 4:12
Message – Rev. Ria Ce (MLCF Pastor)
 |
Malaysia Lautu Christian Youth Fellowship, Motto cu “ Zohchung Awtlak Mino” ti hi a si. Hi bia hi Paul nih Timote sin ah a chim mi bia a si. Hi can lio ah hin Timote hi Kum 35-40 kar a si lio a si ti a si. (NSB) Zeibantuk ah dah zohchunh awktlak si a herh timi ‘ 6 ‘ in a langhter.
1. Na bia chim na holhh rel ah (In word)
2. Na zia na za ah ( In conduct)
3. Dawtnak ah (In love)
4. Thlarau ah (In Spirit)
5. Zumhnak ah (In Faith)
6. Thiannak ah ( In purity)
Kan Bible ah zohchunh awk a tlak mi mino (3) hna Nun i cawn hna u sih.
I. Joseph
1. Joseph cu a ka in bia `ha lo a chim lo. Mi sualnak a phuang lo, Mi`hat lonak kong a chim lo. Hmurkaa aa sum kho mi pa a si.I. Joseph
2. Sual a zamtak, Thiannak `anhtu a si.
3. A ral cungah dawtnak, zaangfahnak le ngaihthiam khawhnak nun a ngei.
4. Pathian a `ih, lehrul cham a duh lo.
5. Pathian nih a umpi.
6. Pathian cawisang a tong i a rian a kai zongah porhlawtnak a ngei lo.
II. Daniel
1. Daniel cu a fekmi bia chahnak a ngei i a nun chung a zulh. (Daniel – 1:8)
2. A sualnak an hmu lo, thil`ha lo le a fellonak an hmuh kho lo. (Daniel – 6:4-5)
3. Thlacam nun le Thang`hat nun a ngei i harnak chungin a tuah kho peng. (Daniel -9:2-3)
4. A pum hrimhrim thur hnawmhter a duh lo.
III. David
1. A pa fial mi rian felte in a `uan. ( I Samuel – 17:20)
2. A rian `uan mi ah zumhawk aa tlak. (I Samuel – 17:33-37)
A rian a hmete zongah a upat.
3. Pathian a zumh, a min aa put ngam. (I Samuel – 17:45)
4. Miphun harnak kha a mah harnak ah a ruah i a mah nih phorh a duh. (I Samuel -17:34)
5. Pathian nih chiti a thuh ko cang nain Siangpahrang aa cuh lo. A caan hngah thiamnak nun a ngei.
6. Sual ngaihchihnak, midang sual ngaihthiamnak le zaangfahnak thinlung a ngei peng.
7. A mah sin ah Bawipa a um.
U le nau hna “Zohchunh Awktlak Mino” timi tlangtar kan theih peng ko nain zeibantuk zawn ah dah zohchunh awk si a hau ti, kan thei ton lo. A cung lei tawi tein ka langhter mi mino (3) hna nun hi zoh law Paul nih Timote siter a duhmi nun cu a tliang ko. Zohchunh awktlak si na duh taktak ahcun a cunglei kan langhter mi hi `ha tein rel law tuah ko. Thiangthlarau nih an bawmh lai i zohchunh awktlak na si ko lai.
---------------------------------------------------------------
PATHIAN BIA TAWI IN CAWNPIAKNAK
Palettwah Pastor
“ Thawng`ha kan phuan lo ahcun buai bainak thil pakhatkhat a rak phan kho”.
II Siangpahrang -7:9
Mara Pastor
“Moses nunnak kan zoh tik ah Bawipa cu a mi hna an herhmi a pek tawn hna”.
Nehemiah – 9:19-21, II Korin – 6:1, Kolose – 1:15
Lautu Pastor
“Bawipa aa tel lo ahcun minung thazang nih tuah khawh a si lo. Hruaitu le a hnu zul hna cu lungrual tein hmai kal `i khawh hi a bia tukmi a si”. John – 15:5
Zotung Pastor
“~ihnak ngei hlah u! Pathian nih an um pi hna lai. Thazang der in um hlah u! Harnak i a hnu lei ah Pathian thil ti khawhnak khuaruah har cu nan hmuh lai”.
Luke – 1: 10; 2:10, Hebru – 32:6
Falam Pastor
“Rian kan `uan tik ah Pathian lawng i bochan ding, kan nun zia kan holh rel ning tiang in Pathian mi sinak langhter kan hau. Pathian sinah kan nun kan chiah hi a herhbik le a biapi bikmi a si”. Genesis – 39:23, Exodus – 33:15
Mizo Pastor
“Bawipa aa tel lomi nunnak cu `ih a nung tuk, Pathian aa tel lawnglawng ah kan phak kan umnak hmun paoh ah lungrethei van sannak in kan him lai. Chin miphun hna nih Pathian lawng kha i ngat chan in kan um ahcun zeithil hmanh khi `ih awk a um lo…”.
Salm -73:26-28
Mi-E Pastor
“Khrih zumtu sinak ahhin nikhat chung caah Pathian thang`hat hramthawk cu kan thiam. Nikhat chung Pathian thang`hatnak hramthawk cu kan thiam nain a donghnak ahcun mah duh ning in thang`hat kan hmang. A hramthawk in a donghnak tiang Pathian he lawng in kal ti hna u sih…”. I Korin – 3:23, Galati – 3:3
Cho (Mindat) Pastor
“Khrih he `uan `i, kal `i ahcun teinak kan hmuh ko lai. Khrih chung ah kan um lawng ah zeithil kan tuah paoh ah teinak kan hmuh lai”. Luke – 11:23, John – 15:4
Siyin Pastor
“ A dik a hmanmi lam kan zulh khawhnak hnga le kan tuahmi thil kip ah dinfelnak nun kan ngeih a hau”. Joshua – 1:7
Matu Pastor
“Zungzal in zungzal tiang Bawipa kha na thin lung dihlak in naa bochan lai”.
Biathlam – 3:5, Salm – 37:8
Zo Pastor
“Rethei ngai in rian na `uan ko zong ah thangchiatnak, mawhchiatnak in na luat lai lo”.
I Timote – 5:8; 4:10, Luke – 10:29
Asho Pastor
“Ram le Miphun `hatnak, dinfelnak na kawl na `uan lai. Pathian kha No.1 ah na chiah lai i a mah nih na herhmi nakin tam deuh in an pek ko lai.” Mattahi – 6:33, Amos-4:12
Zophei Pastor
“Khrihfa nunzia cu a tak a si mi nunzia khi a si”. John – 1:14
Tonzang Pastor
“Pathian sinah lawmhbia chim cu Pathian sunparnak a langhnak ding caah a si. Rumnak timi a muru cu phaisa a si lo, Minung thazang tampi ngeih khi a si an ti. Pathian nih nan fa le hna cu a dawtnak a vel in a kulh hna”. Salm – 65:11; 59:23
Tedim Pastor
“ Thiangthlarau cu kanmah he a um caah kan i ruah chanmi thil zeizong tlam a tlin ter.
I Siangpahrang – 19
*** A cunglei Pathian bia cawnpiaknak hna hi 2011, Kumthar chungah ACR zung rian`uan, Miphun dirhkamh tu hna kha Pathian sin ah thazang lak in kar hlan ding in Malaysia Fellowship kip Pastor hna nih Pathian biatawi in forhfialnak an ngeihmi hna kha 2011, Mipi hna sin ah lungsia herhnak tampi he ka lak chin mi a si.
